Paano gumamit ng two-factor authentication (2FA) sa >x<

Para sa iOS:

1. Sa menu sa itaas, i-tap ang icon ng profile mo, pagkatapos ay i-tap ang Mga setting at privacy.

2. I-tap ang Account, pagkatapos ay i-tap ang Seguridad.

3. I-tap ang Two-factor authentication.

4. May tatlong paraang puwedeng pagpilian: Text message, Authentication app, o Panseguridad na key.

5. Kapag naka-enroll na, kapag nag-log in ka sa iyong account, ipo-prompt kang ibigay ang paraan ng two-factor authentication na ginamit mo sa nakaraan mong pag-log in, pati na ang password mo. Makakakita ka rin ng opsyong Pumili ng ibang paraan ng two-factor authentication. Kung gusto mong magpatuloy, i-tap lang ang prompt para pumili ng ibang paraan. Sundin ang mga tagubilin sa screen para tapusin ang pag-log in.

Para mag-sign up sa pamamagitan ng text message:

1. I-click ang checkbox sa tabi ng Text message.

2. Basahin ang mga tagubilin sa pangkalahatang ideya, pagkatapos ay i-tap ang Magsimula.
   

3. Ilagay ang iyong password, pagkatapos ay i-tap ang Beripikahin.
   

4. Kung hindi ka pa nakakapagkumpirma ng email, hihilingin namin sa iyo na gawin ito para sa >x< account mo: Ilagay ang iyong email address, pagkatapos ay i-tap ang Susunod. Pagkatapos, padadalhan ka namin ng code ng kumpirmasyon sa pamamagitan ng email. Bumalik sa >x< account mo at ilagay ang code sa prompt, pagkatapos ay i-tap ang Beripikahin.

   Tandaan: Kung wala ka pang numero ng telepono na nauugnay sa iyong account, ipo-prompt ka naming ilagay ito. Puwede mo ring i-deselect ang opsyon para payagan ang mga kasalukuyan mong contact na mahanap ka sa >x<.

5. Pagkatapos, hihilingin namin sa iyo na ilagay ang code ng kumpirmasyong ipinadala namin sa iyo sa pamamagitan ng text message. I-type o i-paste ang code, makakakita ka ng screen ng kumpirmasyon na naglalaman ng backup code. Inirerekomenda namin sa iyo na mag-save ka ng screenshot ng code kung sakaling kailanganin mo ito sa susunod. Makakatulong ito sa iyo na i-access ang iyong account kung mawawala mo ang iyong mobile phone o kung magpapalit ka ng numero ng telepono.

6. I-tap ang Okay kapag tapos ka na sa screen na ito.

Para mag-sign up gamit ang authentication app:

1. I-tap ang kahon sa tabi ng Authentication app.

2. Basahin ang mga tagubilin sa pangkalahatang ideya, pagkatapos ay i-tap ang Okay.

3. Kung ipo-prompt, ilagay ang iyong password at i-tap ang Beripikahin.

4. Kung hindi ka pa nakakapagkumpirma ng email, hihilingin namin sa iyo na gawin ito para sa >x< account mo: Ilagay ang iyong email address, pagkatapos ay i-tap ang Susunod. Pagkatapos, padadalhan ka namin ng code ng kumpirmasyon sa pamamagitan ng email. Bumalik sa >x< account mo at ilagay ang code sa prompt, pagkatapos ay i-tap ang Beripikahin.

5. Ipo-prompt kang i-link ang iyong authentication app sa iyong >x< account sa pamamagitan ng pag-scan ng QR code. (Kung wala ka pang naka-install na app sa iyong device, kailangan mong mag-download. Puwede kang gumamit ng anumang Time-based One Time Password (TOTP) authentication app gaya ng Google Authenticator, Authy, Duo Mobile, 1Password, atbp.)

6. Pagkatapos mong i-scan ang QR code, i-tap ang Susunod.

7. Ilagay ang code na binuo ng iyong authentication app, pagkatapos ay i-tap ang Beripikahin.

8. Makakakita ka ng screen ng kumpirmasyon. I-tap ang Okay para tapusin ang pag-set up.

9. Ngayon, gamit ang authentication app mo, puwede kang tumingin at gumamit ng mga code para mag-log in sa iyong >x< account.

Para mag-sign up sa pamamagitan ng Panseguridad na key:

1. I-tap ang Panseguridad na key.

2. Kapag na-prompt, ilagay ang iyong password.

3. Kung hindi ka pa nakakapagkumpirma ng email, hihilingin namin sa iyo na gawin ito para sa >x< account mo: Ilagay ang iyong email address, pagkatapos ay i-tap ang Susunod. Pagkatapos, padadalhan ka namin ng code ng kumpirmasyon sa pamamagitan ng email. Bumalik sa >x< account mo at ilagay ang code sa prompt, pagkatapos ay i-tap ang Beripikahin.

4. Basahin ang pangkalahatang ideya, pagkatapos ay i-tap ang Magsimula.

5. Puwede mong ipasok ang (mga) key sa USB port ng mobile device mo, o i-sync ito gamit ang Bluetooth o NFC. Kapag naipasok na, pindutin ang button sa iyong key.

6. Sundin ang mga tagubilin sa screen para tapusin ang pag-set up.

7. Kapag tapos na, lalabas ang iyong (mga) panseguridad na key sa seksyong Pamahalaan ang mga panseguridad na key sa ilalim ng Two-factor authentication. Mula roon, puwede mong palitan ng pangalan o i-delete ang iyong (mga) panseguridad na key, at puwede kang maglagay ng mga dagdag na panseguridad na key anumang oras.

8. Tandaan: Kung maglalagay ka ng panseguridad na key para sa dagdag na proteksyon ng two-factor authentication, hindi na kami hihingi ng iba pang paraan ng pag-back up para sa dagdag na proteksyon. Puwedeng gamitin ang mga panseguridad na key bilang natatangi mong paraan ng authentication, nang walang anumang iba pang naka-on na paraan.

   Kung nag-enroll ka sa beripikasyon sa pag-log in bago ang Marso 21, 2016:
   

   Kapag nag-log in ka sa iyong account sa x.com o sa ibang device gamit ang >x< para sa iOS, >x< para sa Android, o mobile.x.com, puwede kang padalhan ng push notification sa telepono mo. Buksan ang push notification para aprubahan ang kahilingan sa pag-log in. Kapag naaprubahan mo na, agad kang ila-log in sa iyong account sa x.com.

   Puwede ka ring makatanggap ng code sa pag-log in sa pamamagitan ng SMS text message. Puwede kang mag-opt in dito sa pamamagitan ng pag-click sa hilinging magpadala ng code sa iyong telepono sa pamamagitan ng text message kapag nag-log in ka sa iyong account sa x.com.
   

   Tandaan: Puwede mo ring aprubahan o tanggihan ang iyong mga kahilingan sa pag-log in sa mismong app sa pamamagitan ng pag-tap sa Seguridad, at pagkatapos ay pag-tap sa Mga Kahilingan sa Pag-log In. Hilain pababa ang listahan para mag-refresh para sa mga bagong kahilingan. Lalabas ang mga kahilingan sa screen na ito kahit hindi ka nakatanggap ng push notification.

Paano i-off ang two-factor authentication:

1. Sa menu sa itaas, i-tap ang icon ng profile mo, pagkatapos ay i-tap ang Mga setting at privacy.

2. I-tap ang Account, pagkatapos ay i-tap ang Seguridad.

3. I-tap ang slider sa tabi ng napili mong paraan ng two-factor authentication para i-off ito

4. I-tap ang I-off nang dalawang beses para kumpirmahin ang pinili mo.