તમારા સ્થાન સાથે પોસ્ટ કરવા સંબંધી સામાન્ય પ્રશ્નોના કેટલાક જવાબો નીચે આપ્યા છે. કેવી રીતે તમારા સ્થાન સાથે પોસ્ટ કરવી તે વિશે જાણો.
મારી પોસ્ટ્સમાં સ્થાન સંબંધી કઈ માહિતી જોડવામાં આવે છે?
- ચોક્કસ સ્થાનને સક્ષમ કરવાથી તમે તમારી પોસ્ટ્સમાં સ્થાન સંબંધી માહિતીને પસંદગીપૂર્વક ઉમેરી શકો છો. આ સુવિધા ડિફૉલ્ટ રૂપે બંધ હોય છે અને તેનો ઉપયોગ કરવા માટે તમારે તેને પસંદ કરવાની જરૂર પડશે. આનાથી >x<, GPS માહિતી જેવા તમારા ચોક્કસ સ્થાનને એકત્રિત, સંગ્રહિત કરી શકે છે અને તેને ઉપયોગમાં લઈ શકે છે.
- એકવાર તમે ચોક્કસ સ્થાનને સક્ષમ કરી લો, તે પછી તમે તમારી પોસ્ટમાં તમારી પસંદગીના સ્થાન (જેમ કે કોઈ શહેર અથવા પાડોશ)ને જોડી શકશો. તમારી પોસ્ટને કમ્પોઝ કરતી વખતે બસ સ્થાન માર્કર પર હળવેથી ઠપકારો અને તમે ટેગ કરવા માંગતા હો તે સ્થાનને પસંદ કરો.
- નોંધ: એકવાર તમે સ્થાન સાથે પોસ્ટ કરી દો, તે પછી, તમારી આગલી પોસ્ટમાં આપમેળે સામાન્ય સ્થાનનું લેબલ સામેલ હશે. કેવી રીતે કોઈપણ સમયે સ્થાનની સુવિધાને બંધ કરવી તે જાણો.
- ત્રીજા-પક્ષ માટેની એપ્લિકેશન્સ અથવા વેબસાઈટ્સ તમને તમારા ચોક્કસ સ્થાન સહિત સ્થાન સાથે પોસ્ટ કરવા દઈ શકે છે. અમે આ વિકાસકર્તાઓને જ્યારે તમે સ્થાન સાથે પોસ્ટ કરવા માટે તેમના ઉત્પાદનોનો ઉપયોગ કરો ત્યારે કઈ માહિતી શેર કરવામાં આવી રહી છે તે સ્પષ્ટપણે સમજાવવા માટે કહીએ છીએ.
જ્યારે હું મારી પોસ્ટ્સમાં સ્થાન સંબંધી માહિતી જોડું ત્યારે મારી પાસે કઈ બાબતોનું નિયંત્રણ હોય છે?
તમે તમારા સ્થાન સાથે પોસ્ટ કરવાનું સક્ષમ કરો તે પછી પણ, તમારી પાસે કઈ પોસ્ટ્સ (અને સ્થાન સંબંધી કયા પ્રકારની માહિતી) શેર કરવામાં આવે છે તે અંગે વધારાનું નિયંત્રણ હોય છે. આને ધ્યાનમાં રાખીને:
- સ્થાન સહિત પોસ્ટ કરવાની સુવિધા ડિફૉલ્ટ રૂપે બંધ હોય છે અને તમારે એ સેવાને પસંદ કરવાની જરૂર પડશે.
- તમે કોઈપણ સમયે સ્થાન સહિત પોસ્ટ કરવાની સુવિધાને ચાલુ અથવા બંધ કરી શકો છો.
- તમે એક જ જગ્યાએથી તમારી પોસ્ટ્સમાં પ્રદર્શિત થવાથી તમારા અગાઉના સ્થાન ડેટાને કાઢી નાખી શકો છો (પગલાંવાર સૂચનાઓ માટે આ લેખ જુઓ).
- તમે ઓનલાઈન શેર કરો છો તે માહિતીની માત્રા વિશે સાવધાન અને સાવચેત રહો. એવા કેટલાક અપડેટ્સ હોઈ શકે છે કે જ્યાં તમે તમારું સ્થાન ("પરેડ હવે શરૂ થઈ રહી છે" અથવા "એક ટ્રકે હમણાં જ આખા રસ્તા પર મીઠી-મીઠી કેન્ડી ઢોળી દીધી!") શેર કરવા માંગતા હો અને એવા કેટલાક અપડેટ્સ હોઈ શકે છે કે જ્યાં તમે તમારું સ્થાન ખાનગી રાખવા માંગતા હો. જેમ તમે તમારા ઘરના સરનામાને પોસ્ટ કરવા માંગતા ન હોઈ શકો તેમ જ, એવા સ્થાનોથી પોસ્ટ કરતી વખતે કૃપા કરીને સાવધાન રહો કે જે તમે ઇચ્છતા ન હો કે અન્ય લોકોને દેખાય.
- એ યાદ રાખશો કે જ્યારે તમે સ્થાન સહિત પોસ્ટ કરવાનું પસંદ કર્યું હોય, ત્યારે તમને સૂચવેલા સ્થાન ઑફર કરવામાં આવી શકે છે, પરંતુ તમે હજી પણ વ્યક્તિગત પોસ્ટ્સ માટે તમારું સ્થાન ન શેર કરવાનું પસંદ કરી શકો છો (સૂચનાઓ માટે આ લેખ જુઓ).
- કૃપા કરીને સ્થાન સંબંધી અમારી સામાન્ય સેટિંગ્સ તથા જે કોઈપણ એપ્લિકેશન્સ અને ડિવાઇસેસથી તમે પોસ્ટ કરતા હો તેની સેટિંગ્સ બાબતે પરિચિત થઈ જાઓ જેથી કરીને તમે શેર કરો છો તે માહિતી બાબતે તમે હંમેશાં વાકેફ રહો.
- એ યાદ રાખશો, એકવાર તમે ઓનલાઈન કંઈક પોસ્ટ કરી દો, તે પછી તે અન્ય લોકો માટે જોવા હેતુ ઉપલબ્ધ રહે છે.
સ્થાન સંબંધી કઈ માહિતી પ્રદર્શિત કરવામાં આવે છે?
- ભૌગોલિક સ્થાન સંબંધી બધી માહિતી, સ્થાન (અક્ષાંશ અને રેખાંશ) તરીકે શરૂ થાય છે, જે તમારા બ્રાઉઝર અથવા ડિવાઇસ પરથી મોકલવામાં આવે છે. >x<, સ્થાન સંબંધી કોઈપણ માહિતી બતાવશે નહીં, સિવાય કે તમે આ સુવિધાનો વિકલ્પ પસંદ કર્યો છે અને તમારા ડિવાઇસ અથવા બ્રાઉઝરને તમારા કોઓર્ડિનેટ્સ અમને મોકલવાની મંજૂરી આપી છે.
- જો તમે તમારી પોસ્ટ્સમાં સ્થાન સંબંધી માહિતી જોડવાનું પસંદ કર્યું હોય, તો પોસ્ટના ટેક્સ્ટની નીચે તમારું પસંદ કરેલું સ્થાન લેબલ પ્રદર્શિત કરવામાં આવે છે.
- x.com પર, તમે પાડોશ અથવા શહેરનું નામ જેવું સ્થાન લેબલ પસંદ કરી શકો છો.
- જ્યારે તમે તમારી પોસ્ટમાં ફોટો અથવા વિડિયો જોડવા માટે iOS અને એન્ડ્રોઈડ માટે >x< પર ઇન-એપ કૅમેરાનો ઉપયોગ કરો છો અને તમારા ચોક્કસ સ્થાનને ટેગ કરવા માટેના વિકલ્પને ટૉગલ કરી ચાલુ કરો છો, ત્યારે તે પોસ્ટમાં એ બંને બાબતો સામેલ હશે, તમારી પસંદગીનું સ્થાન લેબલ તથા તમારા ડિવાઇસનું ચોક્કસ સ્થાન (અક્ષાંશ અને રેખાંશ), જે APIનાં માધ્યમથી શોધી શકાય છે. તમારું ચોક્કસ સ્થાન એ તમે પસંદ કરશો તે સ્થાન લેબલ કરતાં વધુ ચોક્કસ હોઈ શકે છે. આ, વર્તમાનમાં જમીન પર ઘટી રહેલી મોમેન્ટ્સને શેર કરતી વખતે મદદરૂપ થાય છે.
- નોંધ: ઇન-એપ કૅમેરા થકી તમારા ચોક્કસ સ્થાનને શેર કરવાનો વિકલ્પ હાલમાં માત્ર iOS માટે >x<ના નવા સંસ્કરણો (6.26 અથવા તેના પછીના) પર તથા એન્ડ્રોઈડ માટે >x<ના નવા સંસ્કરણો (સંસ્કરણ 5.55 અથવા તેના પછીના) પર જ ઉપલબ્ધ છે.
- એપ્લિકેશનના વિકાસકર્તાઓએ એ બાબતે અપ-ફ્રન્ટ અને સ્પષ્ટ હોવું આવશ્યક છે કે તમારી પોસ્ટમાં તમારા ચોક્કસ કોઓર્ડિનેટ્સનો સમાવેશ થશે કે બસ જગ્યાનો જ. જ્યારે તમે કોઈ ત્રીજા-પક્ષ માટેની એપ્લિકેશન અથવા મોબાઈલ ડિવાઇસ પરથી પોસ્ટ કરો છો, ત્યારે એ બાબત સ્પષ્ટ હોવી જોઈએ કે તમારી પોસ્ટમાં કયા પ્રકારના ડેટાનો સમાવેશ કરવામાં આવશે.