Paano gamitin ang Spaces
FAQ ng Spaces
Komunidad ng Feedback ng Spaces
Mga Space ng Komunidad
Paano gamitin ang Spaces
Ang creator ng isang Space ay ang host. Bilang isang host sa iOS, puwede kang magsimula ng Space sa pamamagitan ng pagpindot nang matagal sa Post Composer sa iyong Home timeline at pagkatapos ay pagpili sa icon ng Spaces .
Puwede ka ring magsimula ng Space sa pamamagitan ng pagpili sa tab na Spaces sa ibaba ng timeline mo.
Pampubliko ang Spaces, kaya makakasali ang sinuman bilang tagapakinig, kabilang ang mga taong hindi sumusunod sa iyo. Puwedeng direktang maimbitahan ang mga tagapakinig sa isang Space sa pamamagitan ng pag-DM sa kanila ng link ng Space, pag-Post ng link, o pagbabahagi ng link sa ibang paraan.
Hanggang 13 tao (kasama ang host at 2 co-host) ang puwedeng magsalita sa isang Space sa anumang pagkakataon. Kapag gumagawa ng bagong Space, makakakita ka ng mga opsyon para Pangalanan ang iyong Space at Simulan ang iyong Space.
Para mag-iskedyul ng Space, piliin ang Iiskedyul para sa ibang pagkakataon. Piliin ang petsa at oras kung kailan mo gustong maging live ang iyong Space.
Kapag nagsimula na ang Space, makakapagpadala ang host ng mga kahilingan sa mga tagapakinig para maging mga co-host o tagapagsalita sila sa pamamagitan ng pagpili sa icon na mga tao at pagdaragdag ng mga co-host o tagapagsalita, o pagpili sa larawan sa profile ng isang tao sa Space at pagdaragdag sa kanya bilang co-host o tagapagsalita. Puwedeng humiling ng pahintulot na magsalita ang mga tagapakinig sa host sa pamamagitan ng pagpili sa icon na Humiling sa ibaba ng mikropono.
Kapag gumagawa ng Space, sasali ang host nang naka-off ang kanyang mic at siya lang ang tagapagsalita sa Space. Kapag handa na, piliin ang Simulan ang iyong Space.
Payagan ang access sa mic (kakayahang magsalita) ng mga tagapagsalita sa pamamagitan ng pag-on sa Payagan ang access sa mic.
Magsimulang mag-chat sa iyong Space.
Bilang host, tiyaking I-Post ang link ng Space mo para makasali ang ibang tao. Piliin ang icon na para Ibahagi sa pamamagitan ng Post.
FAQ ng Spaces
Puwedeng sumali, makinig, at magsalita ang sinuman sa isang Space sa >x< para sa iOS at Android. Sa ngayon, imposibleng magsimula ng Space sa web, pero puwedeng sumali at makinig ang sinuman sa isang Space.
Komunidad ng Feedback ng Spaces
Ginagawa naming bukas ang usapan at itinutuon namin ito sa mga kasali sa Spaces. Ang Komunidad na ito ay isang lugar para makakonekta kami sa iyo kaugnay ng lahat ng tungkol sa Spaces, feedback man ito tungkol sa mga feature, mga ideya sa pagpapahusay, o anumang pangkalahatang saloobin.
Sino ang puwedeng sumali?
Puwedeng sumali ang sinumang nasa Spaces, isa ka mang host, tagapagsalita, o tagapakinig.
Paano ako sasali sa Komunidad?
Puwede mong hilinging sumali sa Komunidad ng Feedback ng >x< Spaces dito. Sa pamamagitan ng paghiling na sumali, sumasang-ayon ka sa aming mga patakaran sa Komunidad.
Matuto pa tungkol sa Mga Komunidad sa >x<.
Mga Space ng Komunidad
Bilang admin o moderator ng isang Komunidad, puwede kang gumawa at mag-host ng Space na sasalihan ng mga miyembro ng Komunidad mo.
Mag-navigate papunta sa landing page ng Komunidad.
Pindutin nang matagal ang Post Composer at piliin ang icon ng Spaces.
Piliin ang Spaces at simulang gawin ang iyong Space sa pamamagitan ng paglalagay ng pamagat, pag-on sa i-record ang Space (opsyonal), at paglalagay ng mga nauugnay na paksa.
Mag-imbita ng mga admin, moderator, at iba pang tao para sumali sa Space mo.
Kung live ang isang Space ng Komunidad, makikita mong napo-populate ang Spacebar sa itaas ng Home timeline mo. Para pumasok sa Space at simulang makinig, piliin ang live na Space sa Spacebar.
FAQ ng Mga Space ng Komunidad
Sa Mga Space ng Komunidad, makakagawa ang mga creator ng Mga Space para panatilihing engaged ang kanilang mga miyembro at para tulungan ang mga bagong tao na matuklasan at salihan ang kanilang Komunidad.
Social Narrative ng Spaces
Ang social narrative ay isang simpleng kuwento na naglalarawan sa mga social situation at behavior para sa accessibility.
Sa >x< Spaces, puwede akong sumali o mag-host ng mga live na audio lang na usapan kasama ng sinuman.
Pagsali sa isang Space
1. Kapag sumali ako sa isang >x< Space, magiging isa akong tagapakinig. Puwede akong sumali sa anumang Space sa >x<, kahit na sa hino-host ng mga taong hindi ko kilala o sinusundan.
2. Puwede akong sumali sa isang Space sa pamamagitan ng pagpili ng larawan sa profile na may purple na pumipintig na outline sa itaas ng aking timeline, pagpili ng link mula sa post ng iba, o link sa isang Direktang Mensahe (DM).
3. Kapag nasa isa na akong Space, makikita ko ang mga larawan sa profile at pangalan ng ilang taong nasa Space, kabilang ang aking sarili.
4. Makakarinig ako ng isa o maraming taong nagsasalita nang sabay-sabay. Kung masyado itong malakas o nakaka-overwhelm, puwede kong hinaan ang volume ko.
5. Bilang tagapakinig, hindi ako makakapagsalita. Kung may gusto akong sabihin, puwede akong magpadala ng kahilingan sa host. Gayunpaman, puwedeng hindi aprubahan ng host ang kahilingan ko.
6. Kung tatanggapin ng host ang kahilingan ko, magiging tagapagsalita ako. Puwedeng umabot nang ilang segundo bago maikonekta ang mikropono ko, kaya kailangan kong maghintay.
7. Ngayon, puwede ko nang i-unmute ang aking sarili para magsalita. Maririnig ako ng lahat ng nasa Space.
8. Kung gusto kong magbigay ng reaksyon sa sinabi ng isang tao, puwede akong pumili ng emoji para ipakita sa lahat ang nararamdaman ko. Makikita ko rin kung magre-react ang ibang tao.
9. Puwede akong umalis ng Space anumang oras. Pagkaalis ko, o kapag tinapos na ng host ang Space, babalik ako sa aking timeline.
Pagho-host ng Space
1. Kapag nagsimula ako ng Space, ako ang magiging host. Makakasali sa aking Space ang sinuman, kahit na ang mga taong hindi ko kilala at hindi ko sinusundan.
2. Kapag sinimulan ko na ang aking Space, puwedeng tumagal nang ilang segundo bago ako makakonekta, kaya kailangan kong maghintay.
3. Ngayon, nasa loob na ako ng Space ko at makikita ko ang aking larawan sa profile. Kung may sasaling ibang tao na naka-log in, makikita ko rin ang mga larawan nila sa profile.
4. Magsisimula akong naka-mute, ito ang ibig sabihin ng mikroponong may slash. Puwede kong i-mute at i-unmute ang aking sarili, at sinuman sa aking Space, anumang oras.
5. Puwede akong mag-imbita ng mga tao para sumali sa aking Space sa pamamagitan ng pagpapadala sa kanila ng Direktang Mensahe (DM), pagbabahagi ng link sa isang post, at pagkopya ng link at pagbabahagi nito sa ibang paraan gaya ng email.
6. Hanggang 10 iba pa ang puwedeng magsalita sa aking Space, at mapipili ko kung sino ang puwede at hindi puwedeng magsalita. Puwede ring humiling ang mga tao na magsalita, at mapipili ko kung aaprubahan ko ba ang kanilang kahilingan o hindi.
7. Kapag sumali ang mga tao sa aking Space, puwede akong makarinig ng isa o maraming tao na nagsasalita nang sabay-sabay. Kung sa tingin ko ay masyado silang maingay, puwede kong hinaan ang aking volume o puwede ko silang i-mute.
8. Puwede kong bawiin ang mga pribilehiyo ng pagsasalita, at puwede akong mag-block, mag-alis, o mag-ulat ng sinuman kung nakakapanakit o nakakaabala sila sa akin o sa iba.
9. Kung gusto kong magbigay ng reaksyon sa sinabi ng isang tao, puwede akong pumili ng emoji para ipakita sa lahat ang nararamdaman ko. Makikita ko rin kung magre-react ang ibang tao.
10. Kapag tinapos ko ang aking Space, matatapos ito para sa lahat.
